🪻 🪻 🪻 أنثرُ ما فَاضت بهِ نفسي لعّلي أُخفف عَنها . . . 🪻 🪻 🪻 فَصَبْرٌ جَمِيلٌ ۖ عَسَى اللَّهُ أَن يَأْتِيَنِي بِهِمْ جَمِيعًا ۚ إِنَّهُ هُوَ الْعَلِيمُ الْحَكِيمُ﴾. {سورة يوسف: ٨٣}
110 posts
R56-56 - @RA56 - Tumblr Blog
في بعض الأمور من كتر بساطتها، وأثرها الكبير ، ما بتقدر تعبر عنها للأسف ..
4:35 AM .
19/9/2024
الحضن مُعجزة الصمت ، الحضن اللي مو محتاج أي كلام أو تبرير ، نعم الحضن هو المُمكن في كُل شي مستحيل ، الحضن بيسوّي أكتر من هيك بكتييييير ، لا تستخفوّا ... ، لا تبخلوّا بالأحضان ...
15/9/2024
9:49 PM.
تقريباً كل ليلة بضل أفكر من بعد الشغلات اللي بسمعها كل يوم ، والأشياء اللي بتخوف ، والجرائم اللي بتزيد بشكل مهول ، أنا عنجد حلمي أكوّن أسرة صحية ، أكون أُم بمعنى الكلمة مش بس بالأسم ، مش الأُم اللي بروجولها اللي بساووها بالرَّجل وتكون ست فبيتها وبرا بيتها بتشتغل ، كتفكير سليم بعرف إنو هيصير في تقصير بالجهتين ، وعشان هيك ماعندي مانع أكون قبل الزواج امرأة عاملة وأسعى لتطوير نفسي في شؤون العلاقات الزوجيّة والتربية الأُسرية ، وبعد الزواج أكون ربة منزل وأهتم بشؤون عائلتي بدون أي مقارنات مع المحيط الخارج بتااااتاً ، لأنو أي تقصير مني ومن شريك حياتي هيكون ثمنه غالي جداً ، وعائلتي مقابل الماديات والرفاهية والمسميات الوظيفية المرموقة أكيد بلا شك هيّ المهم والأهم ، زوجي ، أطفالي ، بيتي ، همه مسؤوليتي مش من فراغ حكى الشاعر حافظ إبراهيم في قصيدة العلم والأخلاق : " الأمُ مدرسةٌ إذا أعددتها … أعدت شعباً طيب الأعراق " مش هضيع وقت خارج بيتي لساعات طويلة على حساب زوجي وأطفالي ونفسيتهم ومشاعرهم ، الاهتمام ، الاحترام ، الحنيّة ، العطاء ، " الوقت " ، أهم من الماديّات كلها ، بدي أزرع فيهم وازع ديني سليم يكون حاجز وجدار حماية لهم من العالم الخارجي ، رغم إنو زوجي من مسؤوليته القِوامة ، طبيعي هيكون موظف ويسعى للرزق بإذن الله ، لكن برضو هيكون إلو دور كبير فالتربية وبرضو إلو حقوق داخل بيته ، أبداً مش حلمي يجيب هالفلوس ويصرف واتعامل معه معاملة البنك ، للأسف هاد اللي بشوفو والأغلب هيك إلا من رحم ربي ، حنيّة الزوج والأب و " وقته " وإهتمامه ، وإحترامه ، لا يقدروا بثمن مقابل المال ، بتمنى من اللّٰه يزرع فيني وفالانسان اللي هيكون شريك حياتي حُب العائلة وإعطاء الحقوق والأولويات فوقتها بدون تقصير ، ويرزقنا بالذريّة الصالحة ولا تحرمنا من حُبك وطاعتك يا اللّٰه فلا توفيق ولا حياة بدون رضاك ، بحاول على قد ما أقدر أتعلم ، أسمع ، أبحث ، اقرأ ، أتناقش بأمور التربية السليمة والتنشأة على ديننا الحنيف ،ونهج نبينا الكريم محمد -صلى اللّه عليه وآله وسلّم- وهاي أهم الأمور من وجهة نظري قبل الزواج وبعده ، أهم من التحضيرات الماديّة اللي أكيد هيّ مهمة لكن مش الأهم ، لأنو المسؤولية كبيرة ومش هيّنة بتاتاً ، أقلها إذا ما نفعنا ما نضّر ، اللهم التوفيق والسداد بكل خطوة ..
13/9/2024
11:59 AM .
هو واضح من قلة النوم والتعب حتى التاريخ غلط😂
10/9/2024
كان يوم متععععب جداً وشاق لكن اجتمعت مع ناس زي العسل وتعرفت على ناس بتجنن رغم إنو الشغل كان 19 ساعة مش هييينات أبداً غير الأرق ما عرفت أنام قبلها بيوم بس روحت عوضتها بنومه ما بتتكرر .. لكن الحمد لله عدا هداك اليوم على خير وبديناه بضحك ونهيناه بضحك وكل شوي كان يجيني كلام بجبر الخاطر وهتضل عندي زكريات حلوه بهاليوم اللي كان مميز الحمد لله ..
12/9/2024
12:27 AM.
من صبح هاليوم إذا الله أحيانا هيكون حافل ومن أوله لآخره تعب ، وهشوف ناس كتيييرة متحمسسه وبنفس الوقت مستحية وخايفة ما بحب اكون بمكان مُلفت ، يارب اعطيني خير هاليوم وأكفيني شره ، وكون معي بكل لحظاتي ، ويسسر لي بطريقي خيرُ خَلقك آمميين ، آمين ..
10/10/2024
1:21 AM .
كل فترة بحلم بوفاة أشخاص واليوم نفس الشي .. والعلم عند الله شو مخبى بهالأحلام ، بحاول ما أخاف ، بحاول ...
9/9/2024
10:10 AM
وأشعُرني كَـ كلمة يتخللُها هَوامش تُشتت حُروفها ، ونِقاطعها ، وتَرتيبها ، لا يَستطيع أي أحدٍ لّم شمّلها معاً ، حتى الصّمغ ..
8/9/2024
2:43 AM.
طيب ليش بعرف أداري الكل إلا نفسي ، وأنا أحق وأحوج فيها من هالكل ؟؟ وليش كل هالأسئلة الغريبة بتجيني عند النوم ، عنجد ليش ما بقدر أواسي نفسي وأداريها ، ليش بحس إنو في شي ناقص ضايع مني ، شعور مو عادي أبداً مو عادي واللّه ..
2:22 AM.
يمكن عشان حاسّة السَمع موجودة بقلبي فالكلام ما بمُر مرور الكرِام يمكن ..
7/9/2024
2:02 AM.
وعشان الأمانة ، محدا متحمل أفكاري وثقلها وكثرة تقلبي غير مخدتي .
وأجبرُ نفسي على نَثر بعضٍ من الخاطر هُنا ، حتى وإن كان غير مفهوم ، خوفاً من تراكمه وانفجاره بمن لا يستحقه ، أو حتى بمن يستحقه ...
1:02 AM
يا الله شو تأثير الانسان اللي بتحبو كبير لدرجة ممكن بكلمة وحده تحس حالك بالجنّة أو بالنّار ..
12:13 AM.
5/9/2024
صراحة هاليوم مميز بدو اي تخطيط ، الحمد لله إنو في ناس عنجد بتحب تسعدني بأي طريقة وتشوفني مبسوطه ، الحمد لله على عطاياه الكريم بعوضنا بأيام تمحي مرّ اللي راحت ، كنت بحاجة لهاد اليوم من فترة وفعلاً أشعر فيه بقلبي وما أجامل بسعادتي ، وربي يسره ومرتاحه الحمد لله ، الحمد لله ..
31/8/2024
11:33 PM