- Tumblr Posts

القناعة

هي مولد كل الخطوات بشكل كبير للإستمرار على نمط الحياة الي نفسنا فيه و حـ تترك فينا وسم و حب الحرص و التدبير و إيجابيات كثير لا تعد ولا تحصى و مره أؤمن بـ مقولتين ؛ الفاروق "عمر رضي الله عنه: أو كلما إشتهيت إشتريت.! "الشافعي: إذا ماكنت ذَا قلب قنوع فأنت ومالك الدنيا سواء.!

التغيير لك

لشخصك التغيير دائماً لذلك ‏التغيير الحقيقي في شخصك و لشخصك أولاً و دائماً و إن كانو الي حوليك ما يدعموك لكن ⁧‫فكر في مصلحة نفسك و أترك لها وسم. حيتذكروه ربما في يوم أو في زمن بعيد أو قريب حتى ما يحذون حذوك كن مؤمن بذلك.

" في القناعةِ رِضاً مُباركاً لا يوُصف ". 🌟

من النعم اللي بحمد الله عليها بشخصيتي.. كوني انسانه بسيطة..

البساطة هاي حقيقي اكتشفت انها من النعم اللي لازم اي شخص يمتلكها يظل يحمد ربنا عليها..

ما بتذكر مر علي يوم تكبرت فيه على لبس او أكل أو ما عجبتني هديه متواضعه من حدا..

ما بتذكر اني دخلت بيت و حسيت انه مش من مقامي.. او اكلهم مش من مقامي..

ولو شفت ناس مثلا حالتهم اسوأ مني بقول الله يرزقهم..

ولو كانوا احسن مني بقول الله يباركلهم..

اذا عجبني الاكل اللي تقدم لي بحكي انه عجبني و ببين اني تلذذت فيه..

وان ما عجبني ما بحكي حاجه و بكمل اللقمه..

بكون راضية بكل اشي الله كتبلي اياه سواء كان خير بنظري او اشي زعلني بنظري برضو.. وأمر الله كله خير طبعا..

لما قعدت مع نفسي وصرت اراجع كثير مواقف صارت معاي.. وكانت جدا صعبه علي.. كنت اظل اسأل نفسي سؤال واحد..

انه كيف هيك الله معطيني كل هالقوة؟ كيف بوقف بعز وقعتي و بقوم و انا بضحك و اكمل حياتي عادي؟

بعد هيك بهاي اللحظة اكتشفت الاجابة..

لما يكون الانسان " راضي" بكل اشي انكتب عليه و اله راح يظل قوي و يكمل حياته مهما الحياة قست عليه..

الرضا و البساطة شيئين عبارة عن عواميد داعمة لقلب الانسان..

لذلك من قلب..

اللهم لك الحمد على ما فضلتني به 💜💜💜

#روان_جابر.