- Tumblr Posts

السالفة طويلة وتقهر بس جد لانحكم ع الناس بمظاهرهم حتى اذا كانو يبينون مؤدبين فضفضة قبل لانام☺️ يوم كنت ف ثالثة جامعة كانت معاي رفيقتي وايد قريبة مني من ايام الاعداديه يعني كنا نروح سوا المدرسة وحتى الجامعة متخيلين وهي جارتنا اصلا فدخلنا نفس التخصص وصرنا نروح الجامعة سوا وكل مشاريعنا سوا وامورنا عسلل فيوم كان علينا مشروع فصلي ورحت عساس بكلم الدكتور لاقيت عنده زميلة كنت اشوفها ومابيني وبينها اي حوار كانت تقوله انها ماعندها جروب تدخل فيه وانا حزت بخاطري والله وقلت انا مو خسرانه شي البنت مبين انها انطوائية ومسكينة بدخلها معاي انا و رفيق وبجي كنا ٣ بنات بالجروب وفعلاً استأذنت الدكتور وضفت اسمها وكنت الملاحظ انها ماتشتغل أو تبحث حتى! وكلما اقولها ابحثي تقعد تستهبل وانا جد كنت استغرب منها بس ساكتة بس قلت يمكن مو فاهمة ماحبيت اضغط عليها وأخرجها فخليت الموضوع يمشي عادي، الين بديت الاحظ تصرفات رفيقتي تتغير معاي يعني صارت تسحب علي وماتروح معاي وتخليني اروح بروحي وصار كلامها قليل معاي وكانت دايم تسولف ويا البنت هاي الي انا ضفتها لجروبنا واول م يشوفني يسكتوا!🥲 بديت اتأكد إنها بتاخد رفيقتي مني وانا صراحة مابا وجع راس وماكنت اغار اصلا يعني عادي، الين مره من المرات كان مفروض نسوي مشروع كبير نوعًا ما انا بوقتها قلت لرفيقتي مابا تدخل معانا هالبنت ماتساعدنا ووايد تستغلنا رفيقتي هني عصبت وقالت ليش انتي تغارين ومعرف شو وقامت تعددلي مواقف وتعاتبني بشكل هجومي ابد ماحبيته منها بس فقلت اوكي نخليها بالجروب معانا عشان اتبث لها أن فعلاً مو فارقة معاي ولا اغار، حرفيًا كان آخر همي مرت الايام وكنت أنا الوحيدة بينهم الي تبحث وتشتغل وهم فعليًا مش مسوين شي واعذارهم بايخة ومستهونين بالموضوع واستغلال ع الاخر بكل بجاحة قمت ارسللهم بالواتساب رسالة ووجهت كلامي لرفيقتي وقلتلها الموضوع الفلاني تبحثين عليه وترسلينه لي، قامت البنت قالتلي وأنتي منو تكونين عشان تتحكمين فيها وتأمرينها؟ وللاسف هني رفيقتي قالت هيه انتي منو عشان اسمع كلامي قلتلها خير حبيبي ماكلمتك انا وجهت كلامي لرفيقتي انتي شدخلج؟ البنت عصبت وسبتني عفكرا وانا كنت باردة معاها وهذا شغلها أكثر وقامت البنت هاي بعدها ارسلتلي رساله تشتمني فيها وانا فعليًا كذا🙂ماثاترت وقلت لها ترا كلامج مابيضرني انا مابنزل لمستواج وارد لج وبعدها تفاجئت إن رفيقتي ارسلتلي وتقوللي انتي ليش تتعاملين مع البنت بهالطريقة والبنت حساسة معرف شو قلتلها اسمعي انا باجر بروح اسحب اسمها من الجروب. ولكم ان تتخيلوا الصدمة الحين تخيلوا شو قالتلي؟ قالت اذا بتسحبين اسمها اسحبي اسمي معاها واذا انتي مانبينها انا بعد مابيك🙂 وربي قالتلي جي بالحرف ماقدرت أعاتبها الصراحة كان ردها وايد صادم لي ف قلتلها اوكي براحتج، ولحد الحين ماتكلمني🙂